Regionale innovasjonsprosjekt i kommunal sektor (2022)

• Ei kommunal verksemd i Vestland fylke, inkludert fylkeskommunen og interkommunale samarbeidsorganisasjonar/organ.
• Prosjektansvarleg må vere registrert med organisasjonsnummer
• Prosjektansvarleg kan ikkje vere ei kommunale bedrifter/føretak med økonomisk aktivitet i ein marknad. Desse kan søkje om regionalt innovasjonsprosjekt i næringslivet.

Krav til samarbeid og roller i prosjektet

• I tillegg til prosjektansvarleg søkjar må minst ein annan kommune i Vestland og ein godkjend forskingsorganisasjon delta i prosjektet i eit faktisk samarbeid. 
• Prosjektet skal ta utgangspunkt i behov og utfordringar for dei kommunale verksemdene som er søkjar og samarbeidspartnarar i prosjektet og inngå i verksemdene sine planer for utvikling.
• Kommunale verksemder i prosjektet har behov for forsking for å kunne lukkast med Innovasjonar forstår vi her som nye eller vesentleg forbetra produkt, tenester, prosessar, organisasjons- og styringsformer eller konsept som blir tatt i bruk for å oppnå verdiskaping og samfunnsnytte i Vestland.
• Fleire aktørar i og utanfor Vestland kan delta i prosjektet som samarbeidspartnar, FoU-leverandør m.v.
• Utanlandske aktørar kan vere partnar som bærer sine eigne kostnader i prosjektet eller FoU-leverandør som fakturerer alle sine kostnader til prosjektansvarleg.
• Samarbeidspartnarar eller FoU-leverandørar (utanom prosjektansvarleg søkjar) må registrerast under "Samarbeidspartnarar og FoU-leverandørar" i søknadsskjemaet. Les meir om samarbeidspartnarar og FoU-leverandørar.
• Prosjektansvarleg må sikre finansiering av prosjektet utover støtte frå RFF Vestland

Forventing om anna samarbeid
RFF Vestland oppmodar også til samarbeid med andre offentlege verksemder, næringsliv, interesseorganisasjonar og andre aktørar som er relevante for prosjektet.

Oppfordrar til brukarmedverknad
Brukarmedverknad og brukarkunnskap er i mange samanhengar viktig for å lukkast i innovasjonsarbeidet. I prosjekt der det er relevant, bør ein legge opp til brukarmedverking, og brukarperspektivet bør vere tydeleg.

RFF Vestland støtter kostnader knytt til FoU-aktivitetar i prosjektet. I prosjektbeskrivinga skal du også skildre andre aktivitetar og tiltak som er nødvendige for å realisere innovasjonen, men slike kostnader kan ikkje vere med i prosjektbudsjettet.

Omfang av støtte

RFF Vestland kan dekke inntil 70% av godkjende kostnader i prosjektet. Dersom eit føretak med økonomisk aktivitet inngår i eit faktisk samarbeide i prosjektet, vil støtte til føretaket bli gitt etter statsstøtteregelverket.

Sett prosjektbudsjettet opp etter Forskingsrådet sine retningsliner.

Bryt prosjektbudsjettet ned på følgjande kostnadstypar:

• Personal- og indirekte kostnader, som er kostnader hos prosjektansvarleg institusjon og andre prosjektutførande samarbeidspartnarar i offentleg sektor, i næringslivet og i forskingsorganisasjonar i Noreg
• Innkjøp av FoU-tenester, som er kostnader ved å engasjere FoU-leverandørar til å utføre FoU-oppgåver i prosjektet
• Utstyr, som er drifts- og avskrivingskostnader for vitskapleg utstyr som prosjektet er avhengig av å nytte
• Andre prosjektkostnader, som er kostnader til annan aktivitet som er nødvendig for å gjennomføre FoU-aktivitetane

Føresetnader for tildeling av støtte

• FoU-aktivitetane må være industriell forsking eller eksperimentell utvikling som definert i statsstøtteregelverket. (Sjå "Artikkel 25: Viktige definisjoner")
• Støtte til forskingsorganisasjonar som inngår i eit faktisk samarbeid i prosjektet går til deira ikkje-økonomiske aktivitet. Dette er etter ESA sine retningsliner for offentleg støtte til forsking, utvikling og innovasjon. Eit rekneskapsmessig skilje mellom økonomisk og ikkje-økonomisk aktivitet må vere på plass. RFF Vestland har rett til innsyn i kva satsar som vil bli nytta.
  Vi føreset at forskinga vil bli gjennomført i eit faktisk samarbeid slik dette er definert i statsstøtteregelverket.
• Dersom ein samarbeidspartnar er å rekne som eit «føretak» etter statsstøtteregelverket, vi føretaket bli mottakar av statstøtte. Som regel er eit føretak ei bedrift, men i denne samanhengen er det ein kvar aktør som driv økonomisk aktivitet ved å tilby varer og/eller tenester i ein marknad. Det kan også gjelde offentlege eigde føretak eller bedrifter. Når eit føretak skal få dekka deler av sine kostnader i prosjektet, må det skje etter Gruppeunntaksforordningas art. 25 (Kommisjonsforordning (EU) nr. 651/2014). Støtte vil bli gitt til aktivitetane «industriell forsking» og «eksperimentell utvikling» som har ulike støttegrad. Større bedrifter har rett til lågare støtte enn mindre bedrifter. Bedrifter (prosjektansvarleg og samarbeidspartnarar) i prosjektet som har bindande forhold til kvarandre, vil bli rekna som ein og same støttemottakar etter statsstøtteregelverket.
• Forskingsrådet sine Generelle vilkår for FoU-prosjekt er del av kontrakten med RFF Vestland.   
• Forskingsresultata skal bli gjort tilgjengelege ved deling og publisering i tråd med policy for open forsking.
• Prosjektet skal ha plan for løpande formidling gjennom prosjektperioden.

Prosjektansvarleg verksemd avgjer kva arkivløysingar som skal nyttast for lagring av forskingsdata i prosjektet.

Eit godt planlagt prosjekt resulterer vanlegvis i ein godt formulert søknad. Les våre tips til ein god søknadsprosess.

Krav til utforming

Du må opprette og sende inn søknad via Mitt nettsted (sjå «Opprett søknad»). Du kan endre og sende inn søknaden fleire gonger fram til søknadsfristen. Når søknadsfristen går ut, vil vi behandle den sist innsendte versjonen.

• Søknaden skal være innafor formål og rammer for utlysinga og søknadstypen.
• Krav til samarbeid og partnarskap må vere oppfylt.
• Søknaden og alle vedlegg skal vere på norsk eller engelsk.
• Søknadsbeløp, kva det er søkt om og eigenfinansiering er innanfor ramme fastlagt i utlysinga. Ubetalt eigeninnsats vil ikkje bli godkjend.
• Mal for prosjektskildring og partnaropplysingar i denne utlysinga skal nyttast. Alle punkta i mal for prosjektskildring skal vere fylt ut.
• Alle obligatoriske vedlegg skal vere lagt ved og må vere i PDF-format

Obligatoriske vedlegg

• Prosjektskildring på maksimalt 10 sider. Bruk mal i utlysinga.  
• Partnaropplysingar for alle samarbeidspartnarane, inkludert prosjektansvarleg kommunal organisasjon  (Last opp som vedleggtype "Partnaropplysingar").
• CV på inntil 4 sider kvar for prosjektleiar og andre sentrale prosjektmedarbeidarar (til dømes ansvarlege for arbeidspakkane i prosjektet). (Last opp som vedleggtype «CV»).

Andre vedlegg enn dei obligatoriske eller lenker til nettsider, vil ikkje bli vurdert. Støttebrev eller samarbeidsavtaler er ikkje obligatoriske og skal ikkje vere med.

Det er ikkje teknisk kontroll på innhald i vedlegga du laster opp, så pass på å laste opp korrekt fil på riktig vedleggtype.

Alle krav i utlysinga må være oppfylt. Ufullstendige eller mangelfulle søknader kan bli avslått utan fagleg vurdering.

Vi vurderer søknadene etter desse kriteria:

I tillegg vil det bli lagt vekt på Formidling og kommunikasjon, Forskingsetikk, Miljøkonsekvensar, Kjønnsbalanse i prosjektet og Kjønnsperspektiv i forskinga, der det er relevant.

Sekretariatet for RFF Vestland vurderer om søknaden fyller formelle krav og er innanfor dei mål og rammer som er gitt i utlysinga.

Søknader utan formelle feil vil bli vurdert av eit ekspertpanel i Forskningsrådet, med normalt tre fagekspertar.  Ekspertpanelet vurderer og gir ein samla karakter for kvart av kriteria Forsking og innovasjon, Verknader og effektar, Gjennomføring og Samla vurdering frå fageksperten/panelet.

Sekretariatet for RFF Vestland  vurderer søknaden vidare og lagar innstilling til styret. Styret fattar vedtak om støtte mot slutten av januar 2022. (Informasjon om dato kjem seinare.)  

RFF Vestland tek seg retten til å diskutere søknaden med andre offentlege aktørar (som Innovasjon Noreg og Forskningsrådet) der dette er relevant for søknadsbehandlinga. Alle søknader vil bli søknader behandla etter Lov om offentlighet § 26, fjerde avsnitt.